O'qituvchiga

Bu bo'lim o'qituvchilik huquqini olishdan kurs nashrigacha bo'lgan to'liq yo'lni tasvirlaydi.

1. Huquqni olish

O'qituvchilik huquqini faqat administrator beradi. Hech qanday avtomatik ariza formasi yoki to'lov orqali uni olib bo'lmaydi:

1. Platformada o'quvchi sifatida ro'yxatdan o'ting va kiring;
2. Ustoz bo'lish sahifasini oching — u yerda uch bosqichli yo'riqnoma chiqadi:
   • hisob ochish (hisobingiz bo'lsa avtomatik bajarilgan belgilanadi),
   • admin bilan bog'lanish,
   • huquq berilgach kabinet ochilishi;
3. Yo'riqnomadagi tugma orqali @SkillNest_Admin ga yozing: ismingiz, mutaxassisligingiz, tajribangiz va qanday kurs ochmoqchi ekaningizni ayting;
4. Admin huquq bergach, navigatsiya va kabinetingizda o'qituvchi bo'limlari ochiladi.

Huquq berilgach profilingizda o'qituvchi nishoni ko'rinadi.

2. Kurs yaratish — qadamlar

O'qituvchi kabinetida Yangi kurs tugmasini bosing.

1-qadam — asosiy ma'lumotlar:

• Nom va qisqacha tavsif (katalog kartasida chiqadi);
• To'liq tavsif (kurs sahifasida);
• Daraja: BEGINNER, INTERMEDIATE yoki ADVANCED;
• Til, taxminiy davomiylik (soat), kategoriya;
• Narx: bepul yoki summani kiriting (bepulda 0);
• Sertifikat: yoqish/o'chirish va shablon.

2-qadam — dastur (modullar va darslar):

• Modul yarating (nom + tartib);
• Har bir modulga darslar qo'shing. Dars maydonlari:
  • nom va davomiylik (daqiqa);
  • video havola (YouTube);
  • dars matni va materiallar;
  • kod muharriri (yoqilsa: til + boshlang'ich kod);
  • bepul prevyu belgisi — yozilmaganlar ko'ra oladigan tanishtiruv darsi.

3-qadam — nashr:

• Avval qoralama saqlang va kurs sahifasini o'quvchi ko'zi bilan ko'rib chiqing;
• Tayyor bo'lgach nashr eting — kurs katalogda chiqadi.

Tahrirlash istalgan vaqtda mumkin: yangi dars qo'shsangiz, faqat yangi kontent uchun qo'shimcha o'qituvchi XPsi hisoblanadi (eski mukofot takrorlanmaydi).

3. Test yaratish — qadamlar

Testlar → Yangi test:

1. Nom, tavsif, daraja;
2. Davomiylik (daqiqa, 0 — cheksiz);
3. O'tish bali (odatda 70%);
4. Urinishlar limiti (0 — cheksiz);
5. Savol va javoblarni aralashtirish sozlamalari.

Har bir savol:

• Matn va 2–8 ta javob varianti (to'g'risi belgilanadi);
• Tushuntirish — o'quvchi xatosini shu yerdan tushunadi, bo'sh qoldirmang;
• Ball (odatda 1);
• Dasturlash savollarida kod muharriri va boshlang'ich kod.

Test nashr etilmaguncha o'quvchilarga ko'rinmaydi. O'quvchi oladigan XP savol soni va darajadan avtomatik hisoblanadi — uni qo'lda kiritish shart emas.

4. Imtihonlar haqida

Attestatsiya va milliy sertifikat imtihonlarini faqat administrator yaratadi. O'z faningiz bo'yicha imtihon taklif qilmoqchi bo'lsangiz — @SkillNest_Admin ga yozing.

5. Sifat talablari va tavsiyalar

Majburiy qoidalar:

• Savollarda kamida 2 ta variant va aniq belgilangan to'g'ri javob bo'lishi shart;
• Bo'sh nomli kurs, modul yoki dars qoldirmang.

Tavsiyalar (tajribadan):

• Bitta dars — bitta mavzu; video va matn bir-birini to'ldirsin;
• Har bir savolga tushuntirish yozing;
• Birinchi darsni bepul prevyu qiling — bu yozilishlarni sezilarli oshiradi;
• Izohlardagi savollarga o'z vaqtida javob bering — faollik reyting va ishonchga ta'sir qiladi;
• Kursni muntazam yangilab turing — eskirgan material obro'ni tushiradi.